GULLIEGÏELE - Noerhtelaanti saemien gïeleprijse juakasåvva tjaktjen 2020 (sydsamiska)
Publicerad
Gulliegïele - Noerhtelaanti saemien gïeleprijse åktseden aejkien juakasåvva tjaktjen 2020 saemieministeri jïh saemiedigkiepresideenti tjåanghkosne, mij Helsinkesne rahkan asken. Gïeleprijse juakasåvva aajne almetjidie jallh åårganisasjovnide Nöörjesne, Sveerjesne, Såevmesne jallh Russlaantesne gïeh saemiengïeli evtiedimmien åvteste berkieh.
Ministerh saemien gyhtjelasside Nöörjeste, Sveerjeste jïh Såevmeste ektine saemiedigkien presideentigujmie Nöörjeste, Sveerjeste jïh Såevmeste leah GULLIEGÏELE – Noerhtelaanti saemien gïeleprijsem tseegkeme. Gïeleprijse juakasåvva fïerhten mubpien jaepien jïh voestes aejkien juakasovvi jaepien 2004. Gïeleprijsen stoeredahke lea 15 000 euro.
Gïeleprijsen ulmie
Gïeleprijse edtja saemien gïelide Nöörjesne, Sveerjesne, Såevmesne jïh Russlaantesne evtiedidh jïh gorredidh.
Gie maahta prijsem åadtjodh?
Gïeleprijse juakasåvva aajne almetjidie, dåehkide, åårganisasjovnide, siebride jïh institusjovnide mah leah åajvoehlaakan tjaaleldh-, njaalmeldh- jallh jeatjhlaakan barkeme saemien gïeli evtiedæmman. Maahta prijsen beetnegh juekedh jienebe goh akte vïtnijasse.
Raeresth kandidaath!
Aajne almetjh, åårganisasjovnh, institusjovnh jïh byjjesfaamoeh Nöörjesne, Sveerjesne, Såevmesne jïh Russlaantesne maehtieh kandidaath raeriestidh. Raeresth tjaaleldh bïhkehtsinie mij jeenjemes 1-2 sæjroeh. Minngemes biejjien raeriestidh lea 16.8.2020. Dam nimhtie gaskesadth:
Gulliegïele - vierhtiedimmiemoenehtse
Anne Kirste Aikio
Sajos
Menesjärventie 2
FI-99870 Inari
X